Ватанны саклаучылар елында сугышчы-интернационалистларны искә алу көне аеруча әһәмияткә ия. Бу хакта Татарстан Рәисе Рөстәм Миңнеханов ТР Хөкүмәте Йортында узган республика киңәшмәсендә билгеләп үтте.
15 февральдә Россиядә Ватаннан читтә хезмәт бурычын үтәгән россиялеләрне искә алу көне билгеләп үтелә. Дата Әфганстаннан совет гаскәрләрен чыгаруга багышлана.
«Бу көнне без Әфган сугышчыларын һәм сугыш хәрәкәтләренең башка ветераннарын хөрмәтлибез, алар, үз бурычларын батырларча үтәп, кайнар нокталар аша узган», — диде Рөстәм Миңнеханов.
Ул билгеләп үткәнчә, әфганлыларның күбесе бүген дә МХОдә катнаша, гуманитар миссияләрдә, ветераннар оешмалары эшчәнлегендә катнаша, шулай укяшьләр белән патриотик эш алып бара.
Рөстәм Миңнеханов шәһәр һәм район башлыкларына тантаналы чараларны югары дәрәҗәдә уздырырга кушты.
Телеграмда безнең каналга кушылыгыз: https://t.me/vatantat