Казан аэропортында Әзербәйҗан башкаласы Баку шәһәренә рейсларны яңартуга өметләнәләр. Бу хакта “Татар-информ” аэропортның коммерция директоры Андрей Лопатин сүзләренә таянып яза.
“Рейслар партнерларыбыз – Әзербәйҗан ягы карары белән туктатылган иде. Әмма без даими рәвештә алар белән элемтәдә торабыз. Озакламый әлеге рейсларны яңартуга өметләнәбез”, – дип белдергән ул.
Казан – Баку юнәлешендә самолетлар атнасына 5 тапкыр очкан.
Телеграмда безнең каналга кушылыгыз: https://t.me/vatantat