Бүген Казанда Халыкара хатын-кызлар көнендә шәһәр Дәүләт автоинспекциясе хезмәткәрләре «Юл хәрәкәте иминлеге» ДБУ һәм «Татарстан Республикасы Әтиләр берлеге» иҗтимагый оешмасы белән бергә хатын-кыз машина йөртүчеләргә чәчәкләр бүләк иттеләр.
“Хөрмәтле юл хәрәкәте катнашучылары, Сезне Халыкара хатын-кызлар көне — 8 Март белән котлыйбыз”, — диде Россия Эчке эшләр министрлыгының Казан буенча идарәсе Дәүләт автоинспекциясе бүлеге башлыгы урынбасары, полиция подполковнигы Айрат Хәмидуллин.
Котлауларга ТР Әтиләр берлеге башлыгы Адель Заһретдинов да кушылды.
«Без үзебезнең күркәм хатыннарыбызны, әниләребезне, әбиләребезне, кызларыбызны Халыкара хатын-кызлар көне белән котларга телибез. Без Чаша янына безнең хатын-кызларны котларга, аларга чәчәкләр бүләк итәргә һәм аларның елмаюларын күрергә килдек «, — диде ул.
Иң элек Гүзәл исемле хатын-кызны туктаттылар.
«Көтмәгәндә! Мин әле кагыйдә боздым микән, дип уйлап куйдым. Бик шатмын, тәбрик итүегез өчен рәхмәт «, — диде ул.
Телеграмда безнең каналга кушылыгыз: https://t.me/vatantat