Бүген, 6 июньдә, хаҗилар яңадан Мина үзәнлегенә килде, анда таш ыргытыр өчен Җәмәраткә барды һәм чиратлашып Мәккәгә үз кунакханәләренә кайта башлады.
ТР Диния нәзарәте матбугат хезмәте хәбәр итүенчә, үз исеменнән хайван чалыну турында хәбәр алу белән, алар ихрам хәленнән чыга. Шулай итеп, Татарстан хаҗилары хаҗның төп йолаларын тәмамлады. Туган илләренә кайтып китәр алдыннан, алар Кәгъбә тирәли саубуллашу тавафын үтәргә тиеш.
Хаҗиларның барысы да үзен яхшы хис итә. Алар янында табиблар бар, диелә хәбәрдә.
Телеграмда безнең каналга кушылыгыз: https://t.me/vatantat