Чаллы шәһәренең 28нче комплексында яшәүче бер хатын-кыз тоткарланган. Бу хакта “Челнинские известия” яза.
Басма мәгълүматларына караганда, бер ир-ат һәм ике хатын-кыз кәеф-сафа корып утырганда, нәрсәдәндер тавыш чыгып, болар үзара сугыша башлаган. Шунда 42 яшьлек хатын-кыз кулына пычак алып, тегеләргә ташланган. Ул гына да түгел, ир-атны буа ук башлаган. Ир-ат җан тәслим кылган. Икенчесен – яраланган хатын-кызны табиблар үлем тырнагыннан коткарып калган.
Дусларына пычак белән ташланган хатын-кызны тоткарлаганнар. Җинаять эше кузгатылган. Хокук саклау органнары килеп туган хәлнең сәбәпләрен ачыклаячак.
Телеграмда безнең каналга кушылыгыз: https://t.me/vatantat