Креветкалар белән пицца | РЕЦЕПТ

Камыр: 200 мл җылы су, 1 бал кашыгы шикәр комы, 1 бал кашыгы тоз, 3-4 аш кашыгы май, 6-7 гр коры чүпрә, он. Барысын да бергә болгатып, басып, камырны 10 – 15 минут ял иттереп алабыз.

Эчлек өчен: креветкаларны чистартып, юып, вак итеп турыйбыз. Берничәсен бөтен килеш калдырырга онытмагыз: анысы пицца өстенә куярга, бизәү өчен. Аннан соусын әзерлибез. 4 аш кашыгы каймак, 2 аш кашыгы су, 1 аш кашыгы атланмай, 1 аш кашыгы зәйтүн мае, 2-3 тырнак сарымсак, тәменчә тоз, яшел тәмләткечләр. Креветкаларны шушы соуска салып, табада пешекләп алабыз. Аннан әзер камырга шушы массаны салабыз. Майонез кулланмыйбыз! Өстенә сыр уарга кирәк. Кайнар мичтә пешерәбез.