26 ноябрь көнне Россия Пенсия фондының Татарстан Республикасы буенча бүлеге ана капиталын куллану буенча кайнар линия ача. Бу хакта бүген «Татар-информ» агентлыгында узган матбугат конференциясендә РФ Пенсия фондының ТР буенча бүлекчәсенең социаль түләүләр бүлеге башлыгы Гөлсинә Сабирова әйтте.
Сәгать 11.00дән 16.00га кадәр 8-800-100-26-27 номеры буенча бушлай кайнар линия эшләячәк. «Төбәк бүлеге белгечләре ана капиталына кагылышлы сорауларга җавап бирәчәк», — диде Гөлсинә Сабирова.
Ул, шулай ук, Әниләр көне алдыннан, ЗАГС идарәсе белән берлектә, «Дөнья ана мәхәббәте белән матур» республика акциясе оештырылуын әйтте.