Байкал аръягындагы хәрби округта 8 кешене атып үтергән Рамил Шәмсетдиновны яклап чыгучылар байтак булды. Нәкъ менә алар егеткә ярдәм йөзеннән 700 мең сум акча җыйганнар да, дип хәбәр итә «Лента.ру».
Акча егетнең әтисе Сәлим Шәмсетдиновка тапшырылган. “Акчаның бер өлеше ике тапкыр Читага һәм адвокатлар белән очрашу өчен Мәскәүгә баруга тотылачак. Моңа билетлар бәясе дә һәм анда яшәү дә кергән”, – ди ул. Шулай ук, сәламәтлеге какшау сәбәпле, ул ялгызы йөри алмагач, аның бер өлешен озатучыларга түләргә туры киләчәк. Моннан тыш, ул улына посылка әзерли.
Рамил Шәмсетдинов эше буенча тикшерү дәвам итә.