Татарстан Президенты Рөстәм Миңнеханов гадәттән тыш хәлләр министрлыгы хезмәткәрләренә 33 яңа янгын сүндерү машинасы тапшырды.
Россия Гадәттән тыш хәлләр министрлыгының – 30, Татарстан Гадәттән тыш хәлләр министрлыгының 25 еллыгына багышланган тантана «Казан» Гаилә үзәге янында узды.
Россия Гадәттән тыш хәлләр министрлыгының ТР буенча Баш идарәсеннән хәбәр итүләренчә, яңа янгын сүндерү техникасы сатып алу өчен республика бюджетыннан 180 миллион сумнан артык акча бүленгән.