Менделеевск районының Икское Устье авылыннан ерак түгел Кама елгасында 33 яшьлек ир-ат хатыны һәм биш яшьлек кызын коткарганда батып үлгән. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.
Ведомство мәгълүматлары буенча, 4 июль кичендә кискен маневр аркасында ярдан 300 м ераклыкта көймә әйләнгән һәм 7 кеше суда калган, шул исәптән 5 яшьлек бала.
Көймәдә узып баручы шаһит кычкырган тавышларны ишеткән, кешеләрне судан алып, ярга алыпчыккан. Әмма ир-ат, хатынын һәм кызын су өстендә өстә тотып, беренчел версия буенча ярдәм көткән вакытта, бик күп су йоткан. Яр буенда шаһитлар аңа беренче ярдәм күрсәтергә тырышып караганнар, ләкин уңышсыз.