Быел Гөлсирин Абдуллина һәм аның продюссеры Рифат Фәттахов арасындагы 7 еллык хезмәттәшлек тәмамланды.
Аларның алга таба бергә эшләү-эшләмәве җырчының үзеннән торды — Рифат Әхмәтович Гөлсирингә хезмәттәшлекне дәвам итү тәкъдимен инде күптән ясаган иде.
- Контрактның вакытын озайту турындагы карарны бик озак уйланулардан соң кабул иттем. Рифат Әхмәтович белән эшләү мине кәнәгатьләндерә, контрактны өзәргә әзер түгелмен кебек тоела, — ди җырчы бу турыда.
Ул Ваһапов фондында Рифат Фәттахов белән эшләвен дәвам итәчәк.
— Гөлсирин белән эшләгән җиде елның иң зур нәтиҗәсе — Гөлсирин Абдуллина дигән җырчыны татар тамашачысы белә, үзен таный башлады, — диде бу хакта Рифат Фәттахов.
Озайту вакытына килгәндә, продюссер моның әлегә мөһим булмавын ассызыклады:
-Контрактны озайтуны инде рәсмиләштердек. Ә вакытына килгәндә, бүген бу мөһим түгел — киләчәк күрсәтер. Ышанычы өчен Гөлсирингә рәхмәтемне белдерәм!