Уфада яшәүче егет белән кыз никахларыннан соң Мәскәүгә барып, туйга акча эшләп кайтырга хыялланганнар.
Тик аларның бу хыяллары чынга ашмый кала: «Бла-бла-кар» машинасында Бөре районыннан кунактан кайтып килгәндә алар юл һәлакәтенә очрыйлар. Алар утырган машинаның арты көпчәкләре җәйге була, шунлыктан каршы якка чыгып, «Лада» машинасы белән бәрелешә. Азат шунда үк һәлак була, ә Жанна өч көн комада ятканнан соң үлә. Яшьләр никахларыннан соң Мәскәүгә җыенган булганнар.