Чаллы табиблары инфаркт белән китерелгән пациентның гомерен 13 минут эченедә саклап калып рекорд куйганнар. Шәһәрнең Сәламәтлек саклау идарәсе хәбәр итүенчә, хастаханәгә китергәндә авыруның йөрәгенең өчтән бере генә кан белән тәэмин ителгән булган.
Ир кеше 11:02дә китерелгән. Аны ашыгыч рәвештә операция өстәленә озатып, махсус коткарыу стенты куйганнар.
Рентгенэндоваскуляр диагностика һәм дәвалау буенча Ирек Шәрипов җитәкчелендәге медиклар төркеме операцияне 13 минутта төгәлли. Шул рәвешле табиб 14 минутлык үз рекордын уздырып җибәргән. Билгеле булганча, Европа клиникаларында мондый операцияләрне 36-60 минут эчендә ясыйлар.