Татарстанда Әгерҗе районында яшәүче 34 яшьлек ананы хөкем иткәннәр. Ул үзенең сигез айлык баласын җәберләүдә гаепләнә.
Әни кеше баласына карата бик кырыс булган, табибларга алып бармаган, дарулар алмаган. Сабыен хәтта балалар ризыгы һәм киемнәреннән дә мәхрүм иткән. Нәтиҗәдә, баланың сәламәтлеге какшаган. Моннан тыш әлеге ана көмәнле вакытта да, бала тапканнан соң да спиртлы эчемлекләр кулланган.
Сабыйны әнисеннән алып, медицина учреждениесенә юллаганнар. Гаепләнүче гаебен таныган, суд аңа 250 сәгать мәҗбүри хезмәт башкару билгеләгән.