Татарстанда быел алты ай эчендә ипотека буенча бирелгән кредит күләме 14,5 процентка артып, 310,4 миллиард сумга җиткән.
Республика буенча Милли банк бүлеге җитәкчесе Марат Шәрифуллин әйтүенчә, шушы чор эчендә барлыгы 32,6 мең ипотека кредиты бирелгән. Бу – узган елдагыга караганда 38 процентка күбрәк. Быел ипотекага бирелгән акча күләме 63 процентка артыграк (79,9 миллиард сум).
Июль аенда мондый кредитларның уртача ставкасы 7,02 процент тәшкил иткән (узган елда – 7,73 процент). Шул ук вакытта Татарстанда яшәүчеләр торакка кредитларын үз вакытында түли. Быел 1 июльгә вакытында түләнелмәгән бурыч күләме калган барлык бурычның 0,5 процентыннан кимрәк тәшкил иткән (Россия буенча – 0,7%).