Кичә Әлмәт районында сәгать дүртенче яртыларда Кузайкино бистәсе янындагы трассада юл-транспорт һәлакәте булган. Республика Дәүләт автоинспекциясендә хәбәр итүләренчә, башта «Лада» каршы як полосага чыгып, Ford микроавтобусы белән бәрелешкән.
Юл һәлакәтендә җиңел автомобиль йөртүче белән пассажиры һәлак булган. Шулай ук микроавтобус салонында бер кеше зыян күргән. Салонда барлыгы биш кеше булган. Зыян күрүчене хастаханәгә алып киткәннәр, тагын ике пассажирга табиблар һәлакәт ур