Һиндстанның Мадхья-Прадеш штаты Ярра шәһәрендә яшәүче хатын ике башлы, өч куллы һәм ике умыртка баганалы бала тапкан. Бу хакта Times New New New хәбәр итә.
Ана бәбиен Ратлам шәһәре үзәк хастаханәләренең берсендә тапкан. Өч килограммга якын авырлыктагы баланың ике умыртка баганасы һәм бер ашказаны бар. Баланы дәвалаучы табиб Браджеш Лахти бу очракның медицина күзлегеннән караганда шактый катлаулы булуын әйткән.
Табиб әйтүенчә, бу пациентка белән аның иренең беренче балалары.
«Элек УЗИ нәтиҗәләре хатын-кызның игезәк көтүен күрсәтте. Бу сирәк була торган очрак, бала озак яшәмәс», — дип белдергән Лахоти.
Ул баланың мондый халәте «дицефаль парапаг» дип аталуын әйткән. Игезәк яралгылар дөрес үсеш алмаганда ике башлы булып туу очраклары булуын искәрткән.