Иртәгә, 25 июнь көнне, Татарстанда тотрыксыз һава торышы сакланачак. Бу хакта республиканың Гидрометеорология үзәге хәбәр итә.
Республикада алмашынучан болытлы һава көтелә. Төнлә явым-төшем күп булмаячак. Көндез урыны белән, нигездә, төбәкнең көнчыгышында, бераз яңгыр явачак.
Моннан тыш, кайбер урыннарда төнге һәм иртәнге сәгатьләрдә томан төшү көтелә. Төньяктан һәм төньяк-көнбатыштан талгын җил исәчәк. Тәүлекнең якты вакытында җил тизлеге вакыты белән секундына 16 метрга кадәр көчәячәк, дип билгеләп үтә синоптиклар.
Төнлә һава температурасы +9..+14 градус, Казанда +12..+14 градус булачак. Көндез +22..+27 градуска кадәр җылытачак. Казанда +25..+27 булыр.
Метеорологларның башлангыч мәгълүматлары күрсәтүенчә, киләсе атнада Татарстанда температура фонының төшүе ихтимал.