Башкортстанның Чакмагыш районында «Лада Веста» автомобиле белән «КамАЗ» йөк машинасы бәрелешкән. Беренче автомобиль белән идарә иткән 40 яшьлек Татарстан йөртүчесе үлгән. Бу хакта Телеграм-каналында Башкортстан ЮХИДИ җитәкчесе Владимир Севастьянов язган.
«Башинформ» хәбәр иткәнчә, кичә кич Кушнаренково-Чакмагыш-Бакалы юлының 70нче чакрымында юл-транспорт һәлакәте фаҗига белән тәмамланган. Ашыгыч ярдәм машинасы килгәнче, ир-ат алган имгәнүләрдән һәлакәт урынында үлгән.