2024 елда эшләүчеләргә үзләренең эш урыннарында мәҗбүри диспансеризация кертелә. Эш бирүчеләр моның өчен медицина оешмалары белән килешүләр төзиячәк. Бу хакта “Интерфакс” Россия вице-премьеры Татьяна Голикова сүзләренә таянып хәбәр итә.
“Эш бирүчеләргә медицина ярдәмен якынайту өчен киләсе елдан мәҗбүри медицина иминияләштерүе системасына аерым тариф белән эшләүчеләргә диспансеризация үткәрүне кертәчәкбез”, – дип белдергән Хөкүмәт рәисе урынбасары “Сәламәтлек саклау-2023” конгрессы ачылышында.
Татьяна Голикова, 2024 елның Гаилә елы буларак игълан ителүен искә төшереп, диспансеризация программасына хатын-кызлар һәм ирләрнең репродуктив сәламәтлеген тикшерүнең кертеләчәген билгеләп үткән.