Картайганчы, кычытканның “кирәген биреп” калыйк, җәмәгать! Аны аш, салатлар өчен генә түгел, камыр ризыгы өчен дә кулланырга мөмкин әле.
Кирәк булачак:
- • 500 г бәрәңге боламыгы
- • 100 мл су
- • 200 г кычыткан
- • 1,5 чәй кашыгы коры чүпрә
- • тоз
- • 1 аш кашыгы шикәр комы
- • 50 г йомшак атланмай
- • көнҗет
Эш барышы:
- 1. Кычытканны турап, блендерда ваклыйбыз. Су салабыз.
- 2. Кычытканга бәрәңге боламыгы, шикәр комы, атланмай һәм чүпрә кушып, барысын бергә болгатабыз.
- 3. Әз-әзләп он өстәп, камыр басабыз. Тоз сибәбез һәм камырны тагын бер кат басып алабыз.
- 4. Күмәчләр әвәләп, майлы табага тезәбез.
- 5. 50 градуска кадәр җылытылган газ миченә 25 минутка куябыз.
- 6. Күмәчләр өстенә көнҗет сибеп, газ мичендә (бу юлы инде 180 градуска куеп) 25-30 минут пешерәбез.
- 7. Бераз суынгач, табынга куябыз.