Татарстан укытучыларның Август конференциясе быел 14 августта Алабуга шәһәрендә узачак. Бу хакта республиканың мәгариф һәм фән министры Рәфис Борһанов әйтте.
Министр сүзләренә караганда, мәгариф һәм фән хезмәткәрләре киңәшмәсендә барлык санитар-эпидемиологик тәлапләр дә үтәләчәк. Башка районнар өчен конференциядән онлайн-трансляция оештырырга җыеналар.