Республикада кредитлар бирү өчтән бер өлешкә кимегән. Бу хакта Кредит тарихлары илкүләм бюросы хәбәр итә. Россия банклары июль аенда 1,19 миллион кредит рәсмиләштергән. Бу – узган елдагыга караганда 30,7 процентка ким.
Белгечләр әйтүенчә, кредит алучыларның кимүе банкларның бурычы – аз, кредит рейтингы – югары булган кешеләргә генә ачык йөз күрсәтүенә бәйле. Гомумән алганда, банктан әҗәт алырга теләүчеләр арткан. Чөнки кредит ставкалары кимегән.