11 сентябрьдә Татарстанда сайлау кампаниясенә старт бирелде. Россия Дәүләт Думасы депутаты Айрат Фәррахов сайлауда катнашырга өлгерде инде. Гражданлык бурычын ул Биектау районы Әлдермеш авылындагы сайлау участогында үтәде.
— Мин монда теркәлгән, тавыш бирүне гел биредә башкарам. Авылда сайлауга иртә киләләр. Оештыру искиткеч дәрәҗәдә. Керүгә температура үлчәделәр, барлык саклык чаралары каралган. Биредә авылдашлар белән очраштым,-дип уртаклашты ул.