21 мартта Мәскәү өлкәсендә 11 яшьлек кызның үлемендә яраткан этләре сәбәпче булган.
Кыз шәхси йортлары янына ике эте белән һава суларга чыккан. Кызның әти-әнисе бу вакытта өйдә булган.
Кызның хәрәкәтсез гәүдәсен күршеләре күреп алып, аның әти-әнисен чакырганнар. Аның янында өзгәләнгән шарф та булган.
Тикшерүчеләрнең фаразы буенча, этләр шарфны тарткалап уйнаганда кызны буып үтергәннәр. Хәзер әлеге факт буенча тикшерү эшләре бара.