Бүген Рөстәм Миңнеханов Алексеевск районының Биләр авылында «Сәләт» X Халыкара яшьләр белем бирү форумында катнашучылар белән очрашты. Аны Татарстан Яшьләр эшләре буенча министры Дамир Фәттахов озата йөрде, дип яза Президентның матбугат хезмәте
«Сәләт» форумы татар телен һәм милли гореф-гадәтләрен саклау эшендә мөһим урын алып тора, дип ассызыклады Рөстәм Миңнеханов. Бу миссия Туган телләр һәм халык бердәмлеге елында аеруча актуаль. «Бу изге җирдә чираттагы очрашуыбызга бик шатмын. Күп еллар дәвамында «Сәләт» хәрәкәте меңләгән талантлы яшьләрне берләштерә. Без кечкенә генә палаткалы лагерьдан башладык, ә бүген бу бөтен кирәкле шартлар булган тулы кыйммәтле яшьләр шәһәрчеге», — диде Президент.
Рөстәм Миңнеханов форумда катнашучыларның барысын да үз сәламәтлекләре турында кайгыртырга һәм коронавируска каршы чараларга игътибарлы булырга чакырды.
27 ел эчендә «Сәләт» берләшмәсенең фәнни-белем бирү, иҗади һәм социаль-рекреация проектлары системасы аша Татарстан Республикасыннан, шулай ук Россиянең башка субъектларыннан һәм чит илләрдән 195 меңгә якын бала һәм яшьләр узды. Форумда катнашучылар арасында талантлы мәктәп укучылары, югары һәм урта уку йортлары укучылары, республика фән олимпиадаларында, иҗади конкурсларда, смотр-фестивальләрдә, спорт ярышларында, фәнни конференцияләрдә җиңүчеләр һәм катнашучылар, танылган фән, мәдәният, сәнгать эшлеклеләре һәм җәмәгать эшлеклеләре бар.
Быел форум 15 меңгә якын катнашучыны җыячак. Санитар-эпидемиологик вәзгыятьтән чыгып, 9 мең бала форумда онлайн-режимда, ә офлайн — 6,4 мең кеше катнашачак.
Быел барлыгы алты «Сәләт» сменасы узачак. Гадәттәгечә, форум кысаларында катнашучылар өчен татар телле мохит булдырыла. Шул ук вакытта мәгълүмат рус һәм инглиз телләрендә дә кабатлана.
Роспотребнадзор таләпләре буенча, сменада эшләячәк кешеләр ПЦР-тестлар тапшыра, ә объектларда шәхси саклану чаралары кулланыла.
Анонимконечно знают сами же и травят получается народ им не нужен по их мнению а потом когда все счезнут то…Коронавирусның яңа дулкыны кайчан булачагын әйткәннәр
Загрузка ...
