Татарстан Сәламәтлек саклау министрлыгының баш эпидемиологы Дмитрий Лопушов туры эфир вакытында коронавирус инфекциясен йоктырган кешенең ПЦРтесты тискәре нәтиҗә күрсәткәндә генә, аның башкалар өчен куркыныч тудырмавы хакында әйтте.
Коронавирус белән авырганда унынчы көннәргә ПЦР-тест тискәре нәтиҗә күрсәтә, әмма авыруларның күбрәк яки азрак вакыт авыру тарату мөмкинлеге күзәтелгән очраклар да булуын искәртте белгеч.
Баш эпидемиолог өйдә дәваланучыларга туганнары белән азрак аралашырга, аерым бүлмәдә яшәргә, аерым савыт-саба кулланырга киңәш итте. Шулай ук авыру терелгәннән соң бүлмәне бик яхшылап җыештырып чыгару турында да онытмаска кирәк.
