15 сентябрьдә кич белән Югары Кама районының (Киров өлкәсе) Рудничный бистәсендә 15 яшьлек кыз югалган.
Вакыйга урынына тикшерү идарәсе криминалисты, эчке эшләр органнарының оператив хезмәткәрләре составындагы тикшерү-оператив төркеме чыккан.
16 сентябрьдә эзләү чаралары барышында кызның гәүдәсе табылган. Башлангыч тикшерү эшләре нәтиҗәсендә, аның үлеменә катнашы булган кеше ачыкланган.
«Тикшерү версиясе буенча, 15 сентябрьдә, Рудничный бистәсенең бер урамында, кызның 14 яшьлек танышы егете шәхси мөнәсәбәтләре туфрагында килеп чыккан сүз низагы барышында аны буып үтерә. Шуннан соң ул һәлакәт урыныннан качып киткән», — дип хәбәр иттеләр Киров өлкәсе буенча ТКХ идарәсенә.
Хәзерге вакытта шикләнелүче тоткарланган, аңа карата сак астында тоту рәвешендә чик кую чарасын сайлау мәсьәләсе хәл ителә.
