15 сентябрьдән Казан - Оренбург - Акбүләк - Казахстан республикасы белән чик автомобиль юлында юл хәрәкәте схемасы үзгәрәчәк. Бу хакта «Идел - Нократ төбәге автомобиль юллары федераль идарәсе»нең матбугат хезмәте хәбәр итә.
Сокуры авылы аша туры юл ябылачак. Транспорт хәрәкәте Сокурыны урап узу ике полосалы юл - һәр юнәлештә берәр полоса буенча оештырылачак.
Сокурыга керү һәм чыгу Казан - Оренбург юлының 27+957 км да урнашкан Сокуры - Хәерби - Травкино автомобиль юлы чишелеше аша гына мөмкин булачак.
«Бу Казан - Оренбург - Акбүләк - Казахстан республикасы белән чик автомобиль юлының 24+360 км һәм 29+863 км дагы транспорт чишелешләреннән Сокурыга борылып керү юлларын төзү өчен кирәк», – дип аңлатканнар матбугат хезмәтендә.
Сүз уңаеннан, хәзерге вакытта «Яшәү өчен инфраструктура» илкүләм проекты гамәлгә ашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез