Халыкка тоташ ял итү мөмкинлеге тудыру өчен киләсе елның 4 гыйнвар – шимбә ялы җомга – 2 майга күчерелә. 5 гыйнвар – якшәмбе ялы чәршәмбе – 31 декабрьгә; 23 февраль – якшәмбе ялы пәнҗешәмбе – 8 майга; 8 март – шимбә ялы җомга – 13 июньгә; 1 ноябрь – шимбә ялы дүшәмбе – 3 ноябрьгә күчерелә.
2024-2025 елларда Яңа ел каникулы 11 көн: 2024 елның 29 декабреннән 2025 елның 8 гыйнварына кадәр дәвам итәчәк (шимбә – 28 декабрь эш көне булачак). 2025 елда май бәйрәмнәренә рәттән ике атна дүртәр ял көне туры килә: 1-4 һәм 8-11 май. Моннан тыш җәен: 12-15 июньдә, шулай ук көзен – 2-4 ноябрьдә озын яллар көтелә.
Түбәндәге дәүләт бәйрәмнәре көннәрендә ял итәчәкбез:
1–6 һәм 8 гыйнвар – Яңа ел каникулы
 7 гыйнвар – Раштуа
 23 февраль – Ватанны саклаучылар көне
 8 март – Халыкара хатын-кызлар көне
 1 май – Яз һәм Хезмәт бәйрәме
 9 май – Җиңү көне
 12 июнь – Россия көне
 4 ноябрь – Халыклар бердәмлеге көне
Татарстанлыларны әле тагын өстәмә яллар көтә. 30 мартта Ураза гаете һәм 6 июньдә Корбан гаете көннәрендә ял итәчәкбез.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
 
                                                         
                                                         
                                                         
                                                         
                                                         
                                                         
                                                         
                                                         
                                                         
        
Фикер өстәү
Фикерегез