Быел Фарсы култыгы илләреннән Россиягә килүче туристлар агымы 250% ка арткан. Бу хакта Россия туристлык агентлыклары альянсы вице-президенты, "Розовый слон" туристлык агентлыклары челтәре генераль директоры Алексан Мкртчян "Туристэкспо. Кырым" актив ял һәм туризм төбәкара күргәзмә-форумында әйткән.
"Әгәр без Гарәп базарын алсак, анда үсеш булачак, Минемчә, плюс 250%, - дип аның сүзләренә сылтама белән ТАСС яза. - Фарсы култыгы илләрендә яшәүчеләр: Гарәп Әмирлекләре, Бәхрәйн, Күвәйт, Согуд Гарәбстаны".
Күрсәтелгән илләрдән сәяхәтчеләр еш кына Мәскәүгә, Санкт-Петербургка һәм Сочига киләләр. Соңгысына килгәндә, туристлар бу шәһәрне беренче чиратта климат һәм табигать аркасында сайлыйлар. Спикер сүзләренчә, алар күбрәк диңгез белән түгел, ә таулар һәм урманнар белән кызыксына.
Сүз уңаеннан, хәзерге вакытта Татарстанда “Туристлык һәм кунакчыллык” илкүләм проекты гамәлгә ашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез