20 гыйнвар 2026 Яңалыклар

2026-2028 елда 10, 50 һәм 500 сумлык яңартылган банкноталар чыгарылачак

Россия банкы якындагы өч елда 10, 50 һәм 500 сумлык модернизацияләнгән банкноталар чыгарырга планлаштыра. Яңартылган банкноталарның дизайны үзгәрәчәк. Моннан тыш, алар яхшырак якланган булачак, дип хәбәр итә «Татар-информ» регулятор материалларына сылтама белән.

Үзәк банкта аңлатуларынча, купюралар ялган акчалар ясауны профилактикалау максаты белән модернизацияләнә.

Россия банкы бөтен номиналь линейканы бердәм стильдә итәргә омтыла. Дизайнның төсләре һәм элементларында дәвамчанлык сакланырга тиеш, ә банкнотларны кешеләр дә (шул исәптән начар күрүчеләр), автомат җайланмалар да җиңел танырга тиеш.

Элегрәк Үзәк банк матбугат конференциясендә Казан Игенчеләр сарае һәм өчпочмаклар рәсеме төшерелгән 1000 сумлык яңа купюра тәкъдим итте.

БЕЗНЕҢ МАКС КАНАЛЫНА ЯЗЫЛЫГЫЗ!