24 ноябрь 2025 Яңалыклар

2026 елда ял алу өчен иң отышлы айны атадылар

2026 елда ял алу өчен иң яхшы ай июль булачак. Анда 23 эш көне була. Бу хакта «РИА Новости»га сылтама белән «Татар-информ» яза.

Ял өчен шулай ук апрель, сентябрь, октябрь һәм декабрь отышлы – бу айларда 22 эш көне була.

Бу мәгълүматлар «SuperJob» сервисының юридик практика җитәкчесе Александр Южалин бәяләмәсе белән дә туры килә. Алдарак ул ял өчен иң яхшы чор июль, шулай ук апрель, сентябрь, октябрь һәм декабрьдә кулай була дигән иде.

Моннан тыш, Дәүләт Думасының Хезмәт, социаль сәясәт һәм ветераннар эшләре буенча комитеты әгъзасы Светлана Бессараб искәрткәнчә, 2026 елда Россиядә 247 эш көне һәм 118 ял көне була.

Иң кыска эш ае гыйнвар булачак.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!