31 октябрь 2025 Яңалыклар

2026 елда икенче бала өчен түләнә торган ана капиталы арта

Киләсе елда беренче бала өчен түләү алмаган гаиләләр өчен икенче бала туганда түләнә торган ана капиталы күләме хәзерге 912 162,09 сумнан 974 100 сумга кадәр артачак. Бу хакта РФ Дәүләт Думасының гаиләне яклау, ата, ана һәм балалар мәсьәләләре комитеты рәисенең беренче урынбасары Татьяна Буцкая сөйләде, дип хәбәр итә «Татар-информ» РИА Новости сылтама белән.

«Әлеге сумма [РФ Социаль фонды] бюджеты проектында планлаштырылган», – дип аңлаткан парламентарий.

Дәүләт Думасы 22 октябрьдә Россиянең 2026 елга һәм 2027/2028 елгы планлы чорга федераль бюджеты, шулай ук РФ Социаль фондының шул ук чорга бюджеты турындагы закон проектларын беренче укылышта кабул итте. Әлеге документларның икенче укылышы 18 ноябрьгә билгеләнгән.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!