04 февраль 2026 Яңалыклар

2026 елда инфляция 4-4,5 процент дәрәҗәсендә булачак дип фаразлана

2026 елда Россия икътисады 1-1,2 процентка үсәчәк, ә илдә инфляция 4-4,5 процент дәрәҗәсендә булачак. РФ вице-премьеры Александр Новак Федерация Советының Икътисади сәясәт комитеты утырышында шундый фаразлары белән уртаклашты. Бу хакта «ТАСС» агентлыгына сылтама белән «Татар-информ» хәбәр итә.

«2026 елга килгәндә, без тулаем эчке продукт сакланыр дип көтәбез. Аның үсеше, беренче чиратта, эчке драйверлар хисабына 1-1,3 процент тәшкил итәчәк. Инфляция 4-4,5 процент дәрәҗәсендә көтелә», – диде Хөкүмәт Рәисе урынбасары.

Новак шулай ук быел сәнәгать җитештерүе үсеше 2,3 процент дәрәҗәсендә көтелүен әйтте (2025 елда эшкәртү сәнәгате 2,8 процент үсеш күрсәтте).

Шул ук вакытта, РФ вице-премьеры икътисадның 2025 елда бары тик 1 процентка гына үсүен Хөкүмәт һәм Россия Банкы гамәлләре белән аңлатты. «Бер процентлы үсеш барыннан да элек кырыс акча-кредит сәясәте һәм кырыс бюджет сәясәте уздыру белән бәйле», – диде ул.

РФ Икътисади үсеш министрлыгының 2026 елга инфляция буенча федераль бюджетка карата фаразы 4 процентка тигез. Үзәк банк 2026 елда инфляция 4-5 процент тәшкил итәр дип көтә.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",