10 август 2026 Яңалыклар

2026 елда машина йөртү таныклыгын кемнәр алыштырырга тиеш булачак

Быел машина йөртү таныклыгы срогын автомат рәвештә озайту гамәлдән чыкты. Ел ахырына кадәр кемнәр таныклыгын алыштырырга тиешлеге турында «Татар-информ» хәбәр итте.

Машина йөртү таныклыгының гамәлдә булу вакыты ун ел тәшкил итә. Ул тәмамланганнан соң документ гамәлдән чыккан дип санала, шуңа күрә машина хуҗаларына яңа таныклык алу турында алдан ук кайгыртырга кирәк.

Машина йөртү таныклыгын 2016 елда алган кешеләргә быел алыштырырга кирәк булачак. Нәкъ менә шул чорда документның закон белән билгеләнгән ун еллык гамәлдә булу срогы тәмамлана.

Шулай ук «права»ны автомат рәвештә озайту чарасыннан файдаланган машина йөртүчеләргә дә яңа таныклык рәсмиләштерергә туры киләчәк. Сүз 2023 елда гамәлдә булган таныклыклар турында бара. Кабул ителгән карар нәтиҗәсендә мондый документлар тагын өч ел гамәлдә булды, әмма 2026 елда аларның хуҗаларына таныклыкны алмаштыру процедурасын узарга кирәк.

Искәртеп үтәбез, автомат рәвештә озайту гамәлдә булу вакыты 2022 елның 1 гыйнварыннан 2025 елның 31 декабренә кадәр тәмамланучы машина йөртү таныклыкларына кагылды. Алар өчен документның гамәлдә булу вакыты өч елга озайтылды.

Яңа машина йөртү таныклыгын шулай ук хуҗаның шәхси мәгълүматлары үзгәргән, документны алыштыру өчен медицина нигезләре булган очракларда, шулай ук аны югалткан, зыян күргән яки алга таба файдалану мөмкин булмаган очракларда алыштырырга туры киләчәк.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",