Җәен эчәк инфекциясеннән ничек сакланырга? – Белгеч киңәше

Белгечләр чир йоктырмас өчен 5 кагыйдәне истә тотарга кирәклеген әйткәннәр.

Роспотребнадзор белгечләре оешманың телеграм-каналында җәен эчәк инфекциясен йоктыру куркынычы арту турында сөйләп үткәннәр.

Алар Иркутск дәүләт медицина университеты студентлары белән берлектә видео әзерләп, анда инфекцияне кисәтүнең 5 кагыйдәсен атап үткәннәр. Болар – чисталыкны саклау, суыткычта чи ризыкны әзере янына куймау, азык-төлекне җиренә җиткереп кыздыру һәм пешерү, саклау температурасын төгәл үтәү, бозылмаганлыгына инангач кына сатып алу.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!