«Ак Барс» бүген Мәскәү мэры Кубогында «Спартак» белән очрашачак

Казанның «Ак Барс» командасы бүген Мәскәү мэры Кубогындагы икенче матчын үткәрә. Казанлыларның көндәше — Мәскәүнең «Спартак» командасы.

Очрашу «Мегаспорт» спорт сараенда 19:30 сәгатьтә башлана.

Ике команда да турнирны җиңелү белән башлады: «Ак Барс» Минскиның «Динамо»сына 1:2 исәбенә оттырса, «Спартак» ЦСКАдан 0:4 исәбенә җиңелде.

Турнирда быел беренче тапкыр 8 команда катнаша. Финал һәм урыннар өчен хәлиткеч матчлар 30 августта узачак.

БЕЗНЕҢ МАКС КАНАЛЫНА ЯЗЫЛЫГЫЗ!