Үзегезне, бигрәк тә керем китерердәй шөгылегезне социаль челтәрләрдә таныта, ә иң мөһиме – акча эшли беләсезме? Юк икән, өйрәтәчәкләр. Татарстан Дәүләт идарәсен санлы үстерү, мәгълүмати технологияләр һәм элемтә министрлыгы ел ахырына кадәр мең кешене “санлы” күнекмәләргә өйрәтергә җыена.
– Моңа кадәр, кешене компьютерда эшләргә өйрәтү кирәк, дип килсәк, хәзер “санлы” һөнәрләр үзләштерергә вакыт җитте. Шуның иң гадие – үзеңнеме, башка кешенеме яки нинди дә булса әйбернеме социаль челтәрләрдә таныту, тарату. Аңа компьютеры булган теләсә кем өйрәнеп, өеннән чыкмыйча гына акча эшли ала, – дип билгеләп үткән министр.
Аның әйтүенчә, бу эшкә пенсионерларны да җәлеп итәргә мөмкин.
“Санлы” һөнәргә өйрәтү курслары Иннополис университеты, КФУ, КХТИ һәм Казан элемтә техникумында ачылачак.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез