«Актаныш таңнары» газетасы редакциясе каршындагы «Агыйдел дулкыннары» әдәби берләшмәсе әгъзалары махсус хәрби операциядә катнашучы якташларына ярдәм итәргә карар кылды. Алар «Казан утлары» журналында дөнья күргән шигырьләре өчен түләнгән гонорарны хәрбиләр өчен кирәк-яраклар сатып алуга юнәлдерде, дип яза «Татар-информ».
Кичә берләшмә җитәкчесе Лилия Шәйгарданова һәм Илчебай авылы шагыйрәсе Рәмзия Вәлиева «Без бергә» фондына беренче чиратта кирәкле әйберләр тапшырды. Моннан тыш, Рәмзия Вәлиева хәрбиләр өчен Актаныш районы болыннары һәм урманнарында җыелган җиләк-җимештән ясалган үлән чәе дә әзерләгән. Үләннәр җыю һәм капчыклар тегүдә аңа авыл хатын-кызлары булышкан.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез