«Бердәм Россия Яшь Гвардиясе»нең Алабуга җирле бүлеге казаклар җәмгыяте, «Корыч технологияләре» коллективы һәм шәһәр халкы белән берлектә, Курск юнәлешендәге хәрби хезмәткәрләргә гуманитар ярдәм китерде. Йөк авырлыгы ике тоннага якын. Бу хакта «Татар-информ» хәбәр итә.
Активистлар сугышчыларга «Нива» автомобилен, «Эндуро-300» мотоциклын, шулай ук 13140 хәрби часте хәрби хезмәткәрләре өчен аерым посылкалар тапшырдылар.
«Бердәм Россия Яшь Гвардиясе»нең Алабуга җирле бүлеге җитәкчесе сугышчыларга ярдәм итүнең мөһимлеген билгеләп үтте: «Безнең хәрбиләргә ярдәм күрсәтү – намус эше! Без яшь гвардиячеләр һәм көмеш волонтерлар белән көн саен гуманитар штабта эшлибез, гуманитар ярдәм туплыйбыз һәм җибәрәбез. Тегәбез, бәйлибез һәм көрәшчеләребезнең сәламәт өйләренә кайтулары өчен кулдан килгәннең барысын эшлибез. Бергә без ышанычлы тыл!»
2022 елның февраленнән Татарстан БРЯГ гуманитар үзәге хәрби хезмәткәрләргә һәм яңа төбәкләрдә яшәүчеләргә 65 млн сумнан артык 325 тонна ярдәм җибәрде.
Сүз уңаеннан, хәзерге вакытта Татарстанда «Яшьләр һәм балалар» илкүләм проекты гамәлгә ашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез