Алексей Песошин СВОда катнашучыларга Ватанны саклаучылар көне алдыннан бүләкләр тапшырды

Бу хакта  Дәүләт Советы депутаты, махсус операциядә катнашчы Эдуард Шәрәфиев үзенең телеграм-каналында хәбәр итте.

“23 февраль алдыннан СВО зонасына Премьер-министр Алексей Песошин җитәкчелегендә Татарстаннан югары дәрәҗәдәге түрәләр “десанты” килеп төште”, – дип билгеләп үткән парламентчы. “Бәйрәм уңаеннан республикадан хәрби хезмәткәрләргә Татарстан Республикасы дәүләт бүләкләре тапшырылды”, – дип язган Шәрәфиев.

Шул ук вакытта ул бүләкләнүчеләр арасында “Святой Георгий” бригадасы хәрбиләренең булуын  да искәрткән. Исегезгә төшерәбез: “Святой Георгий” 7 нче ихтыярилар разведка-штурм бригадасы 2023 елның язында булдырылган. Башта аңа 2014 елда Донецк һәм Луганск халык республикаларында хәрби хәрәкәтләрдә катнашучылар һәм “Донбасс ихтыярилары берлеге” әгъзалары кергән.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!