Пилотсыз очкычларының һөҗүме куркынычы аркасында, Әлмәттә балаларны учреждениеләрдән подвалларга эвакуацияләгәннәр. Бу хакта район хакимияте матбугат хезмәтендә хәбәр иттеләр.
«Балаларны яклау максатыннан, эвакуация үткәрелде – балалар куркыныч беткәнче подвалларда тора», – дип уртаклашты хакимият вәкилләре. Җитәкчеләр җирле халыкка паникага бирелмәскә киңәш иткән. Моннан тыш, алар әлмәтлеләргә вакытлыча яшеренергә киңәш итәләр. «Әгәр сез өйдә булсагыз, тоташ стеналы тәрәзәләрсез бүлмәләрдә: коридорда, ванна, кладовойда утырыгыз. Әгәр урамда булсагыз, якындагы бинага яки качу урынына керегез», – дип мөрәҗәгать иттеләр шәһәр халкына район хакимияте хезмәткәрләре.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез