Алар карбыз белән сыйланганнан соң үзләрен начар хис итә башлаган. “Российская газета”, республика Сәламәтлек саклау министрлыгы мәгълүматларына таянып, шул хакта яза.
Бу хәл пәнҗешәмбе – 28 майда килеп чыккан. Канаш округында карбыз ашаган балаларга медиклар ярдәме таләп ителгән. “Хәзерге вакытта барлык балалар хастаханәгә озатылган. Аларга кирәкле барлык медицина ярдәме күрсәтелә”, – дип белдерелгән министрлыкта.
Ведомствода кисәтеп әйтелгәнчә, иртәнге карбыз сәламәтлек өчен куркыныч белән янарга мөмкин. Эш шунда: ул бик күп нитратлардан һәм химик стимуляторлардан тора. Бу исә аеруча балаларның гаять көчле агулануына китерергә мөмкин.
БЕЗНЕҢ МАКС КАНАЛЫНА ЯЗЫЛЫГЫЗ!
Фикер өстәү
Фикерегез