Андрей Кондратьев: «Сайлауга бәйле шикаятьләр теркәлмәде»

Татарстан Үзәк сайлау комиссиясе рәисе Андрей Кондратьев әйтүенчә, Татарстан Дәүләт Советына депутатлар сайлауга бәйле шикаятьләр теркәлмәгән.

"Сайлау участогы – ул куркынычсыз урын. Барлык участокларда да бар да тәртиптә. Шикаятьләр теркәлмәгән", – диде ул.

Андрей Кондратьев сүзләренә караганда, "кайнар линия"гә 600гә якын шалтырату килеп ирешкән. "Алар нигездә алдан тавыш бирү хокукы, "мобиль сайлаучы" кушымтасы, онлайн тавыш бирү мөмкинлеге кебек мәсьәләләргә бәйле", – диде Татарстан Үзәк сайлау комиссиясе рәисе.

Ул ачыклык та кертте: республикада Дәүләт Советына депутатлар сайлау белән беррәттән, республиканың 38 районында муниципаль дәрәҗәдәге депутатларны да сайлыйлар, алдан тавыш бирү хокукына муниципаль дәрәҗәдәге сайлауда катнашучылар ия.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!