Татарстанда августның беренче декадасында һава температурасы нормадан 3-5 градуска югарырак дәрәҗәдә тора. Икенче декадада да шундый ук эсселек көтелә. КФУ профессоры, география фәннәре докторы Юрий Переведенцев “Татар-информ” хәбәрчесенә шул хакта белдергән.
“Татарстанда августның аномаль эссе беренчел декадасы тәмамланып килә. Айның икенче яртысында да антициклон йогынтысының саклану ихтималы зур. Икенче декадада да эссе булачак, аномалия 3-4 градус тәшкил итәчәк”, – дигән ул.
Шул ук вакытта айның икенче яртысында көн озынлыгы акрынлап кыскарып, төннәр озынаячак һәм салкынчаракка әйләнәчәк. Россия Гидрометеоүзәгенең башлангыч фаразларына караганда, республикада сентябрь аенда да җылы булачак.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез