Татарстан Президенты администрациясе җитәкчесе Әсгат Сәфәров, Фатыйх Сибагатуллинның вафат булуы сәбәпле, мәрхүмнең хатыны Рәдифә ханымга кайгы уртаклашу телеграммасын җибәрде.
“Ирегез – Фатыйх Сәүбән улы Сибагатулинның вафат булуы сәбәпле, эчкерсез кайгы уртаклашу сүзләрен кабул итегез, – диелгән анда. – Көчле рухлы шәхес, талантлы җитәкче һәм авыл хуҗалыгын оештыручы, зур профессионал арабыздан мәңгегә китте. Бу – республика өчен дә бик зур югалту, чөнки Фатыйх Сәүбән улы бөтен тырышлыгын, тәҗрибәсен, белемен, күңел җылысын, көч-куәтен аяусыз төстә Татарстанны үстерүгә багышлады. Безгә аның күпкырлы эшчәнлеге җимешләре мираска кала. Янәшәсендә эшләргә насыйп иткән, аны белгән һәркем бу шәхеснең гаять көчле холкы-фигылен, ирләрчә нык сүзен һәм күңел көрлеген онытмаячак.
Сезнең, балаларыгызның иң якын һәм иң кадерле кешесен югалту ачысын уртаклашам. Кулга-кул тотынышып узган гомер юлы, уртак бәхет мизгелләре турындагы якты истәлек сезгә авыр югалтуны кабул итәргә түземлек бирсен. Сабырлык һәм ныклык телим”.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез