Җәвит Шакировның улы белән күңелсез хәл булган

Татарстанның халык артисты Җәвит Шакировның улы Искәндәр (ISKAN) авариягә эләккән. Бу турыда ул социаль челтәрдәге сәхифәсендә хәбәр итте.

«Бу айны гомеремдә дә онытмаячакмын…. 9 сынган кабырга, чәрдәкләнгән аяк, ярылган баш… Ләкин минем хыяларым күп әле, шуңа күрә мин чигенә һәм инвалид кала алмыйм…Бөтен җирне сындырырга мөмкин, тик характерымны гына түгел!» – дип язган Искәндәр.

Язылучыларына аңлатуынча, ул күптән түгел авариягә юлыккан. Юл-транспорт һәлакәте 11 майда Алабуга янындагы трассада булган.

Искәндәргә тизрәк савыгырга телибез!

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!