Кичә җырчы Азат Фазлыевның гаиләсендә зур югалту, дип язган идек. Аның әтисе үлгән. Бу хакта җырчы үзенең социаль челтәрендә язып чыкты. Ә бүген аның кайгысын уртаклашырга теләүче язылучылар Азатны югалткан. Берсе хәтта: "Бу бәндә ни өчен мине ябып куйгандыр, белмим", дип язган.
Моңа Азатның тормыш иптәше Алсу ачыклык керткән: "Аңлашылмаучанлыклар булмасын өчен язам - Азатның сәхифәсен заблокировали".
Шунысын искәртик, татар эстрадасы җырчылары арасында бу беренче генә очрак түгел. Күптән түгел Инстаграм*да Зөлфирә Шәйдуллина, алып баручы Айгөл Хәйруллинаның аккаунтлары ябылды. Белгечләр моны ВПН белән бәйли: "Бушлай кулланыла торган кушымталар аша сезнең бар мәгълүматыгызга юл табалар" дип искәртә алар.
*Меtа (“Фейсбук” һәм “Инстаграм” социаль челтәрләре) эшчәнлеге Россиядә экстремистлык эшчәнлек буларак танылды.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез