“Татарстан Муниципаль берәмлекләре советы” Ассоциациясенең XIX съездында Азнакай районы башлыгы Марсель Шәйдуллин юллар мәсьәләсен күтәрде. Аның сүзләренчә, 600 км ераклыктагы юлларның 100 км дан артыграгы норматив куркынычсызлык таләпләренә җавап бирми.
- Төбәк һәм федераль юлларны төзү һәм төзекләндерү өчен безнең районнан ел буе зур йөк техникасының ком-таш ташулары аркасында юллар начарланды. Юлларны ремонтлау буенча республика программаларын формалаштырганда, инертлы (ком-таш) материаллар алып китүче районнарга финанслауның лимитларын арттыру мөмкинлеген карауны һәм шәһәр тибындагы бистәләр өчен юллар төзелешенә һәм төзекләндерүгә аерым өстәмә финанслау кертүне сорыйбыз, - дип мөрәҗәгать итте ул Татарстан Рәисе Рөстәм Миңнехановка.
Ул шулай ук урам юл челтәрләрен карап тоту нормативларын үзгәртүне дә сорады. Марсель Шәйдуллин сүзләренчә, нормативлар 2015 елдан бирле кире каралмаган.
- Күп кенә җирлекләр юлларны кардан чистартуга каралган акчаларны ике-өч ай эчендә тотып бетерә. Аннан соң башка чыганаклар хисабына, шул исәптән халык акчаларына карап тоталар, - диде ул.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез